پرویز الٰہی 3 ایم پی او ایک ماہ کے لیے نظربند، نوٹیفکیشن جاری
Dunya News
پاکستان تحریک انصاف کے صدر اور سابق وزیر اعلیٰ پنجاب چوہدری پرویز الٰہی کو ایک ماہ کے لیے نظر بند کر دیا گیا ہے۔
چوہدری پرویز الٰہی کو تھری ایم پی او کے تحت ایک ماہ کے لیے نظر بند کر دیا گیا، ڈپٹی کمشنر لاہور کی جانب سے نوٹیفکیشن بھی جاری کر دیا گیا۔
نوٹیفکیشن کے مطابق پرویز الٰہی اگلے ایک ماہ تک کیمپ جیل میں رہیں گے، پرویز الٰہی کے خلاف تین مقدمات درج ہیں، وہ پی ٹی آئی کے سرکردہ رہنما ہیں، اس لیے وہ امن و امان کو نقصان پہنچا سکتے ہیں۔
نوٹیفکیشن میں تھانہ قلعہ گجر سنگھ میں 2، غالب مارکیٹ میں درج مقدمے کا ذکر ہے اور کہا گیا ہے کہ چوہدری پرویز الٰہی بھی ان مقدمات میں پولیس کو مطلوب ہیں۔
واضح رہے کہ سی سی پی او لاہور کی جانب سے پرویز الٰہی کی حراست کے لیے ڈپٹی کمشنر کو خط لکھا گیا تھا۔
تازہ ترین
ویڈیو
تازہ خبریں
