ژوب گیریژن پر دہشت گردوں کے حملے میں چار سیکیورٹی اہلکار شہید ہوگئے۔
کوئٹہ: بلوچستان کے علاقے ژوب گیریژن پر حملے میں 4 سیکیورٹی اہلکار شہید اور 5 شدید زخمی ہوگئے۔
آئی ایس پی آر کے مطابق دہشت گردوں کے ایک گروپ نے صبح سویرے شمالی بلوچستان کے علاقے ژوب گیریژن پر حملہ کیا۔ دہشت گردوں کی تنصیب میں گھسنے کی ابتدائی کوشش کو ڈیوٹی پر موجود سکیورٹی اہلکاروں نے ناکام بنا دیا۔
فائرنگ کے تبادلے میں اب تک تین بھاری ہتھیاروں سے لیس دہشت گرد مارے جا چکے ہیں جبکہ باقی دہشت گردوں کو ایک چھوٹے سے علاقے میں گھیر لیا گیا ہے
دونوں دہشت گردوں کی گرفتاری کے لیے سیکیورٹی فورسز کا کلیئرنس آپریشن جاری ہے جس کے دوران 4 سیکیورٹی اہلکار شہید اور 5 اہلکار شدید زخمی ہوگئے۔
آئی ایس پی آر کے مطابق سیکیورٹی فورسز بلوچستان اور پاکستان کے امن کو تباہ کرنے کی ایسی تمام مذموم کوششوں کو ناکام بنانے کے لیے پرعزم ہیں۔
تازہ ترین
ویڈیو
تازہ خبریں
