ایشیا کپ اور ورلڈ کپ کے لیے پاکستانی ٹیم میں زیادہ تبدیلیاں نہیں کی جائیں گی۔

گزشتہ ماہ، پاکستان کرکٹ بورڈ (پی سی بی) نے باضابطہ طور پر انٹرنیشنل کرکٹ کونسل (آئی سی سی) سے بھارت میں 2023 ورلڈ کپ کے لیے شیڈول دو لیگ میچوں کے مقامات کو تبدیل کرنے کی درخواست کی تھی۔

بورڈ نے آسٹریلیا کے خلاف 20 اکتوبر کو بنگلورو میں اور افغانستان کے خلاف 23 اکتوبر کو چنئی میں شیڈول میچوں کے مقامات کو تبدیل کرنے کی کوشش کی تھی۔

واضح رہے کہ میگا ایونٹ کا آغاز 5 اکتوبر سے ہوگا، پاکستان ورلڈ کپ میں اپنے سفر کا آغاز 6 اکتوبر کو حیدرآباد میں کوالیفائر ون میچ سے کرے گا۔

شیڈول کے مطابق پاکستان کا کوالیفائر 2 کا میچ 12 اکتوبر کو ہوگا جب کہ روایتی حریفوں پاکستان اور بھارت کے درمیان میچ 15 اکتوبر کو احمد آباد کے نریندر مودی کرکٹ اسٹیڈیم میں ہوگا۔

پاکستان اور آسٹریلیا کے درمیان میچ 20 اکتوبر کو بنگلورو میں شیڈول ہے اور 23 اکتوبر کو پاکستان اور افغانستان چنئی میں آمنے سامنے ہوں گے۔

قومی ٹیم 27 اکتوبر کو جنوبی افریقہ اور 31 اکتوبر کو بنگلہ دیش کے خلاف کھیلے گی۔

گرین شرٹس کا مقابلہ 5 نومبر کو بنگلورو میں پاکستان اور نیوزی لینڈ سے ہوگا، جب کہ قومی ٹیم 12 نومبر کو کولکتہ میں انگلینڈ کے خلاف کھیلے گی۔

ورلڈ کپ کا پہلا سیمی فائنل ممبئی، دوسرا کولکتہ اور فائنل 19 نومبر کو نریندر مودی، احمد آباد میں کھیلا جائے گا۔