نیب کا عثمان بزدار کو نئے آرڈیننس کے تحت گرفتار کرنے کا فیصلہ
نیب لاہور نے آمدن سے زائد اثاثہ جات کیس میں پیش نہ ہونے پر سابق وزیراعلیٰ پنجاب کو گرفتار کرنے کا فیصلہ کیا ہے۔
ذرائع کے مطابق نیب لاہور نے چیئرمین نیب سے سابق وزیراعلیٰ پنجاب عثمان بزدار کے وارنٹ گرفتاری جاری کرنے کی درخواست کی ہے۔
نیب ذرائع کے مطابق عثمان بزدار کو نئے آرڈیننس کے تحت انکوائری کے دوران گرفتار کیا جا سکتا ہے۔ عثمان بزدار سمیت اہلخانہ کے خلاف 9 ارب روپے سے زائد کے اثاثے بنانے، تقرر و تبادلے، گندم کی برآمدگی اور ٹھیکوں میں بے ضابطگیوں کا مقدمہ چل رہا ہے۔
عثمان بزدار طلبی کے باوجود 14ویں بار نیب لاہور میں پیش نہیں ہوئے۔ عثمان بزدار کے وکیل نے نیب کو بتایا کہ عثمان بزدار نیب لاہور میں پیش نہیں ہوسکے۔ نیب نے سابق وزیراعلیٰ پنجاب کے وکیل سے جواب لینے سے انکار کردیا۔
تازہ ترین
ویڈیو
تازہ خبریں
