ایسی دکان بھی نہیں چلتی جس طرح یہ ملک چل رہا ہے، شیخ رشید

راولپنڈی: عوامی مسلم لیگ کے سربراہ اور سابق وفاقی وزیر داخلہ شیخ رشید احمد نے کہا ہے کہ پی ڈی ایم کو اپنی مقبولیت کا اندازہ ہے جس کی وجہ سے وہ انتخابات میں جانے سے گریزاں ہے۔ 

سماجی رابطے کی ویب سائٹ ٹوئٹر پر اپنے پیغام میں شیخ رشید نے کہا کہ پاکستانی سرمایہ کاری کے لیے تیار نہ ہوئے تو غیر ملکی خاک میں مل جائیں گے، سیاسی استحکام کے بغیر سرمایہ کاری نہیں آسکتی۔ حکومت کا بیس کیمپ، بینک اکاؤنٹس اور جائیدادیں دبئی اور لندن میں ہیں، پہلے انہیں واپس لائیں۔

شیخ رشید نے کہا ہے کہ معاشی مسائل حل ہوئے نہ سیاسی استحکام آیا، آئی ایم ایف نے گھاس بو دی اور دوست ملک نے کام نہیں کیا، اس لیے قومی اقتصادی بحالی کے منصوبے کے لیے خصوصی کونسل قائم کر دی ہے۔

انہوں نے کہا کہ حکومت کے پاس دولت بنانے اور پیسہ ضائع کرنے کا وقت نہیں، آئی ایم ایف کے بیل آؤٹ پیکج میں صرف ایک ہفتہ باقی ہے، ڈیفالٹ کا خطرہ ابھی ختم نہیں ہوا، دسمبر تک آئی ایم ایف سے کچھ نہیں ملے گا۔ ایل این جی کا بھی مسئلہ ہو گا۔

پی ڈی ایم کواپنی مقبولیت کاعلم ہےاس لئےوہ الیکشن کیطرف جانےسےگریزاں ہیں ایسےآڑھت کی دکان بھی نہیں چلتی جسطرح یہ ملک چلارہےہیں انہیں مال بنانےاورڈنگ ٹپانےسےفرصت نہیںIMFکےبیل آؤٹ پیکج میں صرف ایک ہفتہ رہ گیاہےڈیفالٹ کاخطرہ ابھی ٹلا نہیںIMFسے دسمبرتک کچھ نہیں ملےگاLNGبھی مسئلہ بنےگا

— Sheikh Rashid Ahmed (@ShkhRasheed) June 21, 2023