سارہ عمیر کی شوبز انڈسٹری میں واپسی
Dunya News
لاہور (ویب ڈیسک) معروف پاکستانی اداکارہ سارہ عمیر صدیقی وقفے کے بعد ایک بار پھر شوبز انڈسٹری میں واپس آگئی ہیں۔
سارہ عمیر نے حال ہی میں نجی ٹی وی کے پروگرام میں بتایا کہ انہوں نے شادی کے فوراً بعد کام چھوڑ دیا اور اپنی تمام تر توجہ اپنے نئے گھر پر مرکوز کر دی۔
انہوں نے کہا کہ وہ 17 سال کی عمر سے شوبز انڈسٹری کا حصہ ہیں اور شادی کے بعد انہوں نے گھریلو ذمہ داریاں سنبھالنے کا سوچا۔ مزید یہ کہ ان کے شوہر معروف ڈرامہ ڈائریکٹر محسن طلعت نے انہیں کام کرنے سے کبھی نہیں روکا۔ تاہم شوبز سے بریک لینے کا فیصلہ ان کا ذاتی انتخاب تھا۔
سارہ نے کہا کہ اس دوران انہوں نے کئی مواقع پر شوبز انڈسٹری میں واپسی پر غور کیا۔ تاہم اس دوران اس نے دو بچوں کو جنم دیا اور اس کی تمام تر توجہ اپنے بچوں پر مرکوز رہی۔
سارہ نے انکشاف کیا کہ اس کے بارے میں صرف سوچنے کی بجائے اب انہوں نے ایک پروجیکٹ سائن کیا ہے جس کے تحت وہ شوبز میں واپس آئیں گی۔
تازہ ترین
ویڈیو
تازہ خبریں
