عالمی شہرت یافتہ باکسر محمد علی آج بھی اپنے مداحوں کے دلوں میں زندہ ہیں۔

22 سالہ محمد علی نے 1964 میں دنیا کے خطرناک ترین باکسر سونی لسٹن کو شکست دے کر بے پناہ شہرت حاصل کی۔

باکسر محمد علی نے اپنے کیرئیر میں 61 باؤٹس لڑے جن میں سے انہوں نے 56 جیتے اور صرف 5 باؤٹس ہارے، انہوں نے اپنے کل باؤٹس میں سے 37 میں مخالفین کو ناک آؤٹ کیا۔

1974 میں 32 سال کی عمر میں انہوں نے جارج فورمین کو شکست دے کر باکسنگ کا عالمی ٹائٹل جیتا، 36 سال کی عمر میں محمد علی نے سپنکس کو شکست دے کر تیسری بار عالمی ٹائٹل اپنے نام کیا۔

ہالی ووڈ واک آف فیم میں وہ واحد شخص تھا جس کا نام زمین کے بجائے دیوار پر رکھا گیا تھا۔ محمد علی نے کہا کہ حضور کا نام زمین پر نہ کندہ کیا جائے۔

20ویں صدی کے عظیم باکسر محمد علی کو 1984 میں پارکنسنز کی بیماری کی تشخیص ہوئی تھی جس کے بعد انہوں نے باکسنگ کو خیرباد کہہ دیا اور اس بیماری سے لڑتے ہوئے 3 جون 2016 کو انتقال کر گئے۔

لیجنڈری باکسر ہونے کے علاوہ محمد علی ایک ہمدرد انسان بھی تھے اور معاشرے میں انسانی حقوق کی خلاف ورزیوں کے خلاف احتجاج کیا کرتے تھے۔

آج بھی عظیم باکسر کے مداح انہیں یاد کرتے ہیں اور ان سے اپنی محبت کا اظہار کرتے ہیں۔