جہانگیر ترین سیاسی کھلاڑیوں کی سنچری مکمل کرنے کےنزدیک پہنچ گئے۔

ذرائع کے مطابق جہانگیر ترین کی جانب سے آئندہ ہفتے پارٹی کی تشکیل کا اعلان متوقع ہے۔ جہانگیر ترین پریس کانفرنس میں پارٹی کی تشکیل کا اعلان کریں گے۔ ترین نے لاہور اور اسلام آباد میں اہم ملاقاتیں کی ہیں۔

ذرائع کا کہنا ہے کہ اہم سیاسی شخصیات آج لاہور میں جہانگیر ترین سے ملاقات کریں گی، آزاد کشمیر کے سابق وزیراعظم سردار تنویر الیاس کی بھی جلد جہانگیر ترین سے ملاقات کا امکان ہے۔

ذرائع نے مزید بتایا ہے کہ پنجاب، خیبرپختونخوا اور سندھ سے پی ٹی آئی کی سابق قیادت نے بھی جہانگیر ترین کو حمایت کی یقین دہانی کرائی ہے، فواد چوہدری بھی جہانگیر ترین سے رابطے میں ہیں۔