پنجاب کے سابق وزیراعلیٰ چوہدری پرویز الٰہی کو گرفتار کر لیا گیا۔

بتایا گیا ہے کہ پرویز الٰہی کو گرفتار کر کے اینٹی کرپشن کے حوالے کر دیا جائے گا ، چوہدری پرویز الٰہی اینٹی کرپشن گوجرانوالہ نے طلب کر رکھا تھا، پولیس کے اعلیٰ حکام ظہور الٰہی روڈ پہنچ گئے۔

قائم مقام وزیر اطلاعات عامر میر نے بتاتے ہووے کہا کہ اینٹی کرپشن افسران نے پرویز الٰہی کو گرفتار کر لیا ہے، پولیس نے کئی روز سے علاقے کو سیل کر رکھا تھا۔

انہوں نے کہا کہ آج ان کے گھر سے تین گاڑیاں نکلیں اور انہیں تلاشی کے لیے روکا گیا۔ جب کھڑکی ٹوٹی تو پرویز الٰہی گاڑی کے اندر تھے۔

عامر میر نے بتایا کہ اینٹی کرپشن حکام کچھ دیر بعد چوہدری پرویز الٰہی کی گرفتاری کی تفصیلات میڈیا سے شیئر کریں گے۔

چوہدری پرویز الٰہی کی گرفتاری کے بعد پولیس آپریشن مکمل کر لیا گیا ہے جس کے بعد ظہور الٰہی روڈ کو ٹریفک کے لیے کھول دیا گیا ہے۔

واضح رہے کہ پولیس نے ظہور الٰہی روڈ کو 10 روز سے بند کر رکھا تھا، پولیس تاحال ظہور الٰہی روڈ پر موجود ہے۔