بھارتی ریسلرز نے انڈیا گیٹ پر بھوک ہڑتال کرنے کااعلان کر لیا۔

عالمی باڈی نے فیڈریشن ادارے کے صدر کے خلاف تحقیقات کو آگے نہ لانے پر تنقید کا نشانہ بنایا ہے۔

عالمی تنظیم یونائیٹڈ ورلڈ ریسلنگ نے کہا ہے کہ اگر 45 دنوں میں انتخابات نہ ہوئے تو بھارتی ریسلنگ فیڈریشن کو معطل کر دیا جائے گا۔ ریسلرز کے ساتھ سلوک اور حراست قابل مذمت ہے، الزامات کی مکمل تحقیقات کی درخواست کی ہے۔

بھارتی میڈیا کے مطابق پہلوانوں نے مذاکرات کے ذریعے معاملات حل کرنے کے لیے 5 دن کا الٹی میٹم دیا ہے۔

واضح رہے کہ خواتین ریسلرز نے بھارتیہ جنتا پارٹی کے طاقتور سیاستدان اور فیڈریشن کے سربراہ برج بھوشن سنگھ کی جانب سے برسوں سے ہراساں کیے جانے کے خلاف اپریل میں احتجاج کا سلسلہ شروع کیا تھا۔

ان کا مطالبہ ہے کہ برج بھوشن سنگھ کو عہدے سے ہٹایا جائے اور ان کے خلاف قانونی کارروائی کی جائے، جب کہ فیڈریشن کے سربراہ برج بھوشن نے ان الزامات کی تردید کی ہے۔