آئندہ مالی سال کا بجٹ 9 جون کو پیش کیا جائے گا
نجی ٹی وی چینل(geo.tv)کی رپورٹ کے مطابق وزارت خزانہ کے مطابق مالی سال 2024-23 کے بجٹ کے سلسلے میں سالانہ پلان کوآرڈینیشن کمیٹی کا اجلاس 2 جون کو طلب کیا گیا ہے اور قومی اقتصادی کونسل کا اجلاس 3 جون کو ہوگا جس کی صدارت وزیراعظم شہباز شریف کریں گے جس میں نئے مالی سال کے لیے بجٹ اہداف کو حتمی شکل دی جائے گی، دونوں اجلاسوں میں صوبائی حکام بھی شرکت کریں گے، اس دوران نئے بجٹ کے لیے قومی ترقیاتی پروگرام کا جائزہ لیا جائےگا۔
وزارت خزانہ کے مطابق آئندہ مالی سال کے بجٹ میں وفاقی ترقیاتی پروگرام کی مد میں 700 ارب روپے تجویز کیے گئے ہیں تاہم وزیر اعظم وفاقی ترقیاتی پروگرام ایک ہزار ارب روپے تک بڑھا سکتے ہیں۔
وزارت خزانہ کے مطابق آئندہ مالی سال کے بجٹ کا مجموعی حجم ۱۴ ہزار ۶۰۰ ارب سے زیادہ رکھنے کی تجویز کی گئ ہے اور بجٹ میں عوام کو ریلیف دینے کیلئے کمیٹیاں بھی قائم کردی گئی ہیں۔
اس کے علاوہ آئندہ سال کے لیے معاشی شرح نمو کا ہدف ۳ فیصد سے زیادہ رکھنے کی تجویز ہے جب کہ موجودہ مالی سال جی ڈی پی گروتھ کا تخمینہ ۰.۲۹ فیصد ہے۔
تازہ ترین
ویڈیو
تازہ خبریں
