آئی فونز میں نئی اور حیران کن ٹیکنالوجی کا اضافہ

اس فنکشن کی بدولت فون لاک ہونے پر بھی موسم، کیلنڈر کے واقعات اور اطلاعات ڈسپلے پر نظر آئیں گی۔
وجیٹس لاک اسکرین پر بھی نظر آئیں گے۔ یہ فیچر اب بھی دستیاب ہے لیکن  آئی او ایس 16 میں اسے بہتر کیا گیا ہے۔ جب آپ کا آئی فون ٹیبل پر ہو اور آپ اسے ان لاک کیے بغیر نوٹیفیکیشن یا دیگر معلومات چیک کرنا چاہتے ہیں تو یہ نیا فیچر کارآمد ثابت ہوگا۔

پکسل فونز میں اب یہ صلاحیت بھی ہے، حالانکہ یہ صرف اس وقت کام کرتا ہے جب فون کو چارجنگ اسٹینڈ پر رکھا جاتا ہے۔

رپورٹ کے مطابق، ایپل کی جانب سے یہ نیا فنکشن آئی فون کے علاوہ آئی پیڈ ٹیبلٹس کے لیے بھی دستیاب کرنے کا امکان ہے۔

ایپل کی جانب سے آئی او ایس17 کے اس فیچر سمیت دیگر تفصیلات جون میں ورلڈ وائیڈ ڈویلپر کانفرنس میں جاری کیے جانے کا امکان ہے۔

اس کانفرنس کے دوران ایپل کی جانب سے پہلا مکسڈ رئیلٹی ہیڈ سیٹ بھی متعارف ہو سکتا ہے۔

واضح رہے کہ ایپل کی جانب سے ہر سال ستمبر میں نئے آئی فونز کو متعارف کرایا جاتا ہے اور آئی فون 15 سیریز کو بھی ستمبر میں ہی متعارف کرائے جانے کا امکان ہے۔