آرمی چیف جنرل عاصم منیر نے 25 مئی کو یومِ تکریمِ شہدائے پاکستان منانے کا اعلان کردیا۔

آئی ایس پی آر کے مطابق ۵۱ افسران کوستارہ امتیاز (ملٹری)، ۲۲ افسران اور جوانوں کو تمغہ بسالت سےنوازا گیا جبکہ ۲ جوانوں کو اقوامِ متحدہ کے خصوصی میڈلز سے نوازا گیا۔

اس موقع پر خطاب میں آرمی چیف جنرل عاصم منیر نے کہا کہ "شہدا کی فرض شناسی اور عظیم قربانیوں کےطفیل ہم آزاد فضا میں زندگی بسرکڑہے ہیں، شہدا کی قربانیاں اور غازیوں کی خدمات ہمارا قیمتی اثاثہ اور سرمایہِ افتخار ہیں۔”

انہوں نے مزید کہا کہ پاک فوج بطور ادارہ اپنے ہرفرد کواور اس کےلواحقین کوہمیشہ یاد رکھتا ہے، ہمارا یہ رشتہ بطور خاندان قابلِ فخر اور فقید المثال ہے۔

انہوں نے ۲۵ مئی کو یومِ تکریمِ شہدائے پاکستان منانے کا اعلان کرتے ہوۓ کہا کہ ہر سپاہی تعصبات اورامتیازات سے بالاتر ہوکر اپنے فرائض اورذمہ داریوں کومقدم رکھتا ہے، مضبوط فوج مملکت کی سلامتی اور اتحاد کی ضامن ہوتی ہے۔

جنرل عاصم منیر نے فوجی تنصیبات، یادگاروں اور شہدا کی حرمتوں پر حملوں کوانتہائی افسوس ناک قراردیا اور کہا کہ یہ ناقابلِ برداشت ہیں۔