آئین کے تحت جو اختیارات ہیں وہ بلدیاتی اداروں کو دینا پڑیں گےنہیں ملے تو چھین کر لیں گے: حافظ نعیم

امیر جماعت اسلامی کراچی حافظ نعیم الرحمان کا کہنا ہے کہ آئین کے تحت جو اختیارات ہیں وہ بلدیاتی اداروں کو دینا پڑیں گے، اگر اختیارات آسانی سے نہیں ملے تو چھین کر لیں گے۔

نجی ٹی وی چینل جیو نیوز سے گفتگو کرتے ہوئے حافظ نعیم نے کہا ہے کہ تحریک انصاف نے ہماری غیر مشروط حمایت کا اعلان کیا ہے لیکن ہم انہیں کراچی کے ڈپٹی میئر کا عہدہ آفر کریں گے۔

حافظ نعیم کے مطابق انتخابی نتائج کو پیپلزپارٹی کی جانب سے تبدیل کیا گیا، اپنی مرضی کی حلقہ بندیاں کیں، اگر اختیارات آسانی سے نہیں ملے تو چھین کر لیں گے، آئین کے تحت جو اختیارات ہیں وہ بلدیاتی اداروں کو دینے پڑیں گے۔