چیئرمین پی ٹی آئی عمران خان کی جناح ہاؤس پر حملے کی مذمت

چیئرمین پی ٹی آئی عمران خان نے جناح ہاؤس پر حملے کی مذمت کرتے ہوئے کہا ہےکہ اس سے پاکستان کی بدنامی ہوئی اور جو کچھ ہوا ایسا نہیں ہونا چاہیے تھا۔

لاہور ہائیکورٹ میں غیر رسمی گفتگو کے دوران صحافی نے عمران خان سے سوال کیا کہ جناح ہاؤس پر ہونے وا لے حملےکی مذمت کرتے ہیں؟ اس حوالے سے پی ٹی آئی کے چیئرمین کا کہنا تھا کہ ‘میں جناح ہاؤس پر حملے کی مذمت کرتا ہوں، یہ پہلے بھی ہوا اور ہر پاکستانی اس کی مذمت کرتا ہے، اس سے پاکستان کی بدنامی ہوئی، جو ہوا وہ نہیں ہونا چاہیے تھا’۔

انہوں نے کہا کہ میڈیا کو اپناگھرکھول کردکھادیا، دہشتگردوں کے ٹھہرنےکی باتوں میں کوئی صداقت نہیں، پی ڈی ایم کے اقدامات اور انسانی حقوق کی خلاف ورزیوں سے ملک کی بدنامی ہوئی۔