پنجاب حکومت نے حالیہ ہنگامہ آرائی اور سول و عسکری تنصیبات میں توڑ پھوڑ کی تحقیقاتی جے آئی ٹی بنانے کا فیصلہ کرلیا

نگران وزیراعلیٰ محسن نقوی کا کہناہےکہ کوئی مجرم آزاد نہیں ہوگا، کسی بے گناہ کو گرفتار نہیں کیا جائے گا اور ہر شرپسند کو ثبوت و شواہد کی بناء پرگرفتار کیا جائے گا۔ تھوڑپھوڑ کے تمام مقامات پر جیو فینسنگ کی جائے گی۔

ان کا مزید کہنا تھا کہ حالات بہتر ہو رہے ہیں، لوگوں کے جان و مال کے تحفظ کو یقینی بنائیں گے، اور شرپسندوں کے ناپاک عزائم کو ناکام بنانے کے لیے کام کریں گے، انہوں نے کہا کہ فوجی اور شہری املاک پر حملہ کرنے والے عناصر عبرتناک سزا سے نہیں بچ پائیں گے۔ . شرپسندوں کے خلاف زیرو ٹالرنس کی پالیسی اپنائی گئی ہے۔ شرپسند عناصرکے مذموم عزائم کو ناکام بنانے کے لیے پوری فورس الرٹ ہے۔۔