عدلیہ عمران خان کو تحفظ دینے کیلئے آہنی دیواربن چکی ہے: وزیراعظم کابیان

اسلام آباد: وزیراعظم شہباز شریف نے کہا ہےکہ عمران نیازی فاشسٹ ڈکٹیٹرہے اور عدلیہ اسے تحفظ دینےکےلیے آہنی دیواربن گئی ہے۔

کابینہ کے اجلاس سے خطاب کرتے ہوئے وزیراعظم نے کہا کہ ملک مشکل حالات سے گزر رہا ہے اور ہم ورثے میں ملنے والے حالات پر قابو پانے کی کوشش کر رہے ہیں، سیلاب، مہنگائی اور کساد بازاری کے طوفانوں نے مشکلات کو مزید بڑھا دیا ہے۔

وزیراعظم نے کہا کہ عمران خان اور ان کے حواریوں نے مسلسل جھوٹ بولا ہے، عمران خان دعا کر رہے ہیں کہ ملک ڈیفالٹ ہو جائے، نیب نے عمران خان کے خلاف غبن کے کیسز بنائے، عمران خان کے دور میں اربوں روپے کی کرپشن ہوئی، عمران نیازی کومالم جبہ میں کلین چٹ دی گئی۔