آئی سی سی ون ڈے رینکنگ: پاکستان دوسری پوزیشن پر آگیا
انٹرنیشنل کرکٹ کونسل (آئی سی سی) کی ون ڈے رینکنگ کی سالانہ اپ ڈیٹ جاری کردی گئی ہے جس کے بعد پاکستان پوائنٹس ٹیبل میں بھارت سے آگے نکل گیا۔
حال ہی میں، پاکستان کی نیوزی لینڈ کے خلاف پانچ میچوں کی سیریز کا آغاز پانچویں پوزیشن سے ہوا۔
نیوزی لینڈ کے خلاف چاروں میچز جیت کر پہلی پوزیشن حاصل کی لیکن پانچواں ون ڈے ہارنے کے بعد قومی ٹیم تیسرے نمبر پر آگئی تھی۔
اس کے بعد آسٹریلیا کا پہلا، بھارت کا دوسرا اور پاکستان کا تیسرا نمبر تھا جو اب سالانہ اپ ڈیٹ کے بعد بدل چکا ہے۔
اور اب ۱۱ مئی کو جاری کردہ رپورٹ کے مطابق آسٹریلیا ۱۱۸ پوائنٹس کے ساتھ پہلے، پاکستان ۱۱۶ پوائنٹس کے ساتھ دوسرے جب کہ بھارت ۱۱۵ پوائنٹس کے ساتھ تیسرے نمبر پر ہے۔
تازہ ترین
ویڈیو
تازہ خبریں
