وزارت داخلہ کے احکامات کے مطابق ملک بھر میں موبائل انٹرنیٹ سروس معطل کر دی گئی ہے۔

پاکستان ٹیلی کمیونیکیشن اتھارٹی (پی ٹی اے) نے وزارت داخلہ کی ہدایات کے بعد ملک بھر میں موبائل انٹرنیٹ سروس معطل کرنے کا اعلان کیا ہے۔

پاکستان ٹیلی کمیونیکیشن نے اعلان کیا ہے کہ وزارت داخلہ کے حکم پر موبائل ڈیٹا سروسز معطل کر دی گئی ہیں جبکہ نیٹ بلاکس نے بتایا ہے کہ پاکستان میں ٹوئٹر، فیس بک اور یوٹیوب تک رسائی پر پابندی عائد کر دی گئی ہے۔

عالمی سطح پر انٹرنیٹ کی بندش پر نظر رکھنے والی تنظیم نیٹ بلاکس نے اطلاع دی ہے کہ پاکستان تحریک انصاف (پی ٹی آئی) کے چیئرمین عمران خان کی نظربندی کے بعد پورے ملک میں فیس بک، ٹوئٹر اور یوٹیوب کی خدمات متاثر ہوئی ہیں۔

قومی احتساب بیورو نے اسلام آباد ہائی کورٹ میں پیشی کے بعد پی ٹی آئی چیئرمین عمران خان کو القادر ٹرسٹ کیس میں حراست میں لے لیا۔

نیٹ بلاکس کی ایک رپورٹ کے مطابق، بعض علاقوں میں انٹرنیٹ کی مکمل بندش کا سامنا ہے۔

ریئل ٹائم نیٹ ورک ڈیٹا کی نگرانی کے وقت، پاکستان میں بعض موبائل اور فکسڈ لائن انٹرنیٹ سروسز پر رکاوٹیں دیکھی گئیں۔