آئی ایم ایف قرض پروگرام: تاخیر سے بجٹ سازی کاعمل متاثر ہونےکا خدشہ

پاکستان اور عالمی مالیاتی فنڈ (آئی ایم ایف) کے درمیان قرض پروگرام تاحال تاخیرکا شکار ہے جس کے باعث بجٹ سازی کا عمل متاثر ہونےکا خدشہ ہے۔

ذرائع کا کہنا ہے کہ آئی ایم ایف بورڈ اجلاس کا شیڈول جاری کردیا گیا ہے تاہم اجلاس کے ایجنڈے میں 17 مئی تک پاکستان شامل نہیں ہے۔

ذرائع کے مطابق عملے کی سطح کے معاہدے کے بغیر بین الاقوامی مالیاتی اداروں سے فنڈنگ دستیاب نہیں ہوگی۔ یہ خدشہ بھی ہے کہ اگر آئی ایم ایف کے ساتھ معاملات حل نہ ہوئے تو بجٹ سازی کا عمل متاثر ہو سکتا ہے۔

ذرائع کے مطابق دوست ممالک کی جانب سے فنڈنگ کی یقین دہانی پر بھی آئی ایم ایف مطمئن نہیں ہوا تو پاکستان نے ایک ارب ڈالر کا ایک اور فنانسنگ پروگرام فراہم کیا۔