اگرعمران خان پیش نہ ہوئے تواسلام آباد ہائیکورٹ کا عبوری ضمانت خارج کرنے کا فیصلہ

چیف جسٹس عامر فاروق نے استفسار کیا کہ درخواست گزار کہاں ہیں؟ وکیل نعیم حیدر پنجوتھہ نے کہا کہ وہ نہیں آسکے اس لیے استثنیٰ کی درخواست دائر کی ہے۔ چیف جسٹس نے استثنیٰ کی درخواست پر استفسار کیا تو وکیل نے جواب دیا کہ درخواست دائر کر دی ہے۔

چیف جسٹس نے کہا کہ درخواست گزار عمران خان مقررہ تاریخ تک پیش نہ ہوئے تو عبوری ضمانت منسوخ کر دی جائے گی۔ عدالت کا مذاق بنا کر رکھا ہوا ہے، ہائیکورٹ کو سول کورٹ سمجھ رکھا ہے کیا؟ یا ہم نیچے آگئے ہیں یا وہ اوپر آ گئے ہیں۔

عدالت نے عمران خان کی عدالتی اوقات میں پیشی تک سماعت میں وقفہ کر دیا۔