ایک ہزار پاکستانیوں کو جنگ زدہ سوڈان سے بحفاظت باہر نکال لیا گیا
urdu.arynews.tv
جنگ زدہ سوڈان سے پاکستانیوں کا بحفاظت انخلا مکمل کر لیا گیا ہے ترجمان دفتر خارجہ کے مطابق ایک ہزار پاکستانیوں کو سوڈان سے باہر نکال لیا گیا ہے۔
اے آر وائی نیوز کے مطابق جنگ زدہ سوڈان سے پاکستانیوں کا بحفاظت انخلا مکمل کر لیا گیا ہے اس حوالے سے ترجمان دفتر خارجہ کا کہنا ہے کہ کامیابی سے بحفاظت ایک ہزار اوورسیز پاکستانیوں کو سوڈان سے باہر نکال لیا گیا ہے اور اس کے ساتھ ہی وہاں سے ہمارے انخلا کی کارروائیاں مکمل ہوگئی ہیں۔
دفتر خارجہ
ترجمان دفتر خارجہ نے مزید کہا کہ اللہ کے فضل اور خرطوم میں ہمارے سفارتخانے کی کوششوں سے انخلا ممکن ہوا۔ اس انخلا میں سعودی عرب اور چین سمیت جدہ اور اسلام آباد میں ہماری ٹیموں کا بھرپور تعاون رہا اور آخری پاکستانی کی بحفاظت واپسی تک جدہ کے راستے انخلا کا عمل جاری رہے گا۔
By Allah’s grace and tireless efforts of our embassy in Khartoum led by Amb Regi, supported by 🇸🇦 and 🇨🇳 and our teams in Jeddah and Islamabad, we have successfully & safely evacuated over 1000 Pakistanis out of Sudan. With this our evacuation operations out of Sudan have ended.
— Spokesperson 🇵🇰 MoFA (@ForeignOfficePk) May 2, 2023
وطن واپس آنے والے پاکستانیوں کی تعداد
ذرائع نے بتایا کہ کراچی ایئرپورٹ پر اب تک 636 شہری اتر چکے ہیں جنہیں جدہ کے راستے پاک فضائیہ (پی اے ایف) کی پانچ خصوصی پروازوں کے ذریعے وطن واپس لایا گیا۔
پاکستان انٹرنیشنل ایئر لائنز (پی آئی اے) کی ایک اور پرواز 93 مزید شہریوں کو اسلام آباد لے کر آئی، جس سے وطن واپس آنے والے پاکستانیوں کی تعداد 729 ہو گئی۔
ذرائع نے مزید کہا کہ حکومت نے دیگر ممالک کے برعکس پہلے عام شہریوں اور پھر سفارت کاروں کو وطن واپس بھیجنے کے لیے انخلا کی پالیسی بنائی۔
تازہ ترین
ویڈیو
تازہ خبریں
