پاکستان ڈیفالٹ نہیں کرے گا آئی ایم ایف کو امید

واشنگٹن :  آئی ایم ایف کی منیجنگ ڈائریکٹر کرسٹالینا جارجیوا نے کہا کہ امید ہے کہ پاکستان کو سری لنکا اور گھانا جیسی صورتحال سے نہیں گزرنا پڑے گا جہاں معیشتیں تباہ ہو چکی ہیں۔

واشنگٹن میں نیوز کانفرنس کرتے ہوئے آئی ایم ایف کی منیجنگ ڈائریکٹر کرسٹالینا جارجیوا نے کہا کہ پاکستان ابھی ڈیفالٹ پر نہیں پہنچا اور بہتر ہے کہ وہاں نہ جائے۔

ایم ڈی آئی ایم ایف کو امید ہے کہ پاکستان کو خطے کے دیگر ممالک کی طرح قرضوں کے مسائل کا سامنا نہیں کرنا پڑے گا، اور یہ کہ ملک اپنا موجودہ قرض پروگرام کامیابی سے مکمل کر سکے گا۔

کرسٹالینا جارجیوا نے کہا کہ پاکستان نے اپنی معیشت کو بہتر بنانے اور موسمیاتی تبدیلیوں سے نمٹنے کے لیے سنجیدہ کوششیں کی ہیں۔ اس میں کوئی شک نہیں کہ یہ کوششیں ضروری ہیں کیونکہ پاکستان کو بیک وقت دونوں مسائل کا سامنا ہے۔