حکومت انتخابات کیلئے۲۱ ارب جاری کرنےمیں نا کام، سپریم کورٹ کی ڈیڈ لائن ختم

الیکشن کمیشن آف پاکستان نے سپریم کورٹ کے غیر مبہم فیصلے کے بعد پنجاب میں عام انتخابات 14 مئی کو کرانے کا فیصلہ کیا، جس میں کہا گیا کہ اس فیصلے کی سختی سے تعمیل کی جائے گی اور الیکشن کمیشن انتخابات کے انعقاد کے لیے تیار ہے۔

الیکشن کمیشن کی جانب سے پنجاب میں عام انتخابات کے انعقاد کے سلسلے میں شیڈول بھی جاری کر دیا گیا ہے، پنجاب میں عام انتخابات کیلئے نئے کاغذات نامزدگی نہیں وصول کئے جائیں گے، پرانے شیڈول کے تحت کاغذات نامزدگی پر ہی اعتراض عائد کیا جا سکے گا۔

الیکشن کمیشن کے شیڈول میں کہا گیا ہے کہ پنجاب میں ووٹنگ 14 مئی کو ہوگی، کاغذات نامزدگی سے متعلق ریٹرننگ افسر کے فیصلے کے خلاف اپیل جمع کرانے کی آخری تاریخ 10 اپریل ہے، 17 اپریل تک الیکٹورل ٹریبونل اپیلوں پر فیصلہ دے دے گا۔

امیدواروں کی نئی فہرست شائع کرنے کی آخری تاریخ 18 اپریل ہے، کاغذات نامزدگی واپس لینے کی آخری تاریخ 19 اپریل ہے اور امیدواروں میں انتخابی نشانات 20 اپریل کو تقسیم کیے جائیں گے۔