سوشل میڈیا پر خواتین کی ویڈیوز پوسٹ کرنے پر ایک لڑکے کو سات سال قید کی سزا سنادی گئی۔
اسلام آباد: خصوصی عدالت نے سوشل میڈیا پر خواتین کی توہین آمیز تصاویر اور ویڈیوز پوسٹ کرنے پر مجرم کو 7 سال قید کی سزا سنادی۔
ایف آئی اے اہلکار کے مطابق جنسی طور پر ہراساں کرنے اور بلیک میل کرنے میں ملوث اشفاق خلیل نامی مجرم کو 7 سال قید اور ایک لاکھ روپے جرمانے کی سزا سنائی گئی۔
جہلم سے تعلق رکھنے والے برطانوی شہری اشفاق نے خاتون کی نازیبا تصاویر اور ویڈیوز سوشل میڈیا پر شائع کی تھیں۔ ملزم شکایت کنندہ کے اہل خانہ کو بھی توہین آمیز مواد ای میل کر کے بلیک میل کر رہا تھا۔
متاثرہ کی درخواست پر سائبر کرائم سرکل اسلام آباد نے تحقیقات کا آغاز کیا، اور مجرم کو جون 2022 میں گرفتار کر لیا گیا۔
سب انسپکٹر ہانیہ خلیل نے تفتیش مکمل کر کے چالان عدالت میں جمع کرا دیا۔ اسلام آباد ہائی کورٹ نے بھی ملزم کی ضمانت مسترد کردی۔
مقدمے کی سماعت کے بعد پیکا کورٹ اسلام آباد کے خصوصی جج محمد اعظم خان نے اشفاق کو قصوروار قرار دیتے ہوئے 7 سال قید اور 150,000 روپے جرمانے کی سزا سنائی۔
تازہ ترین
ویڈیو
تازہ خبریں
