قومی سلامتی کمیٹی کا اجلاس آج ہوگا، اہم فیصلے متوقع ہیں۔

اسلام آباد: وزیراعظم شہباز شریف کی زیر صدارت قومی سلامتی کمیٹی کا اجلاس آج ہوگا، ملک کی موجودہ صورتحال پر اہم فیصلے متوقع ہیں۔

تفصیلات کے مطابق وزیراعظم شہباز شریف نے قومی سلامتی کمیٹی کا اجلاس آج شیڈول کیا ہے جس میں سول اور عسکری قیادت شریک ہوگی۔

اجلاس میں ملک کی موجودہ سیاسی، معاشی اور دفاعی صورتحال کا جائزہ لیا جائے گا جب کہ اہم اداروں کے سربراہان اجلاس کو قومی سلامتی پر بریفنگ دیں گے جس کے بعد ملک کی موجودہ صورتحال سے متعلق اہم فیصلے متوقع ہیں۔

قومی اسمبلی نے گزشتہ روز سپریم کورٹ کے تین رکنی بینچ کے فیصلے کی مخالفت میں قرارداد جاری کی جس میں کہا گیا کہ اقلیت کو اکثریت پر مسلط کیا گیا۔