عامر لیاقت کے انتقال سے دو دن پہلے ان کے اور فیصل قریشی کے درمیان کیا بات ہوئی؟
معروف اداکار فیصل قریشی نے مرحوم عامر لیاقت کی موت سے دو روز قبل ان سے ہونے والی بات چیت کے بارے میں بات کی ہے۔
نجی ٹی وی پر حالیہ رمضان کی خصوصی نشریات کے دوران فیصل قریشی نے اداکارہ صرحا اصغر سے گفتگو کے دوران ڈاکٹر عامر لیاقت کے ساتھ گزشتہ سال ہونے والی آخری بات چیت سے متعلق بتایا۔
فیصل قریشی کے مطابق بہت سے لوگ ڈاکٹر عامر لیاقت کی حقیقت پر بحث کر رہے ہیں لیکن کسی کو ان کے بارے میں جانے بغیر بات نہیں کرنی چاہیے۔
انہوں نے بتایا کہ جب ڈاکٹر عامر لیاقت کی ویڈیو منظر عام پر آئی تو انہوں نے تمام سماجی رابطے ترک کر دیے اور متعدد افراد نے ان سے رابطہ کرنے کی کوشش کی لیکن ناکام رہے۔ اداکار کا کہنا تھا کہ کسی طرح ہمارا عامر لیاقت سے رابطہ ہوا، میں نے اور مفتی حنیف قریشی نے انہیں بہت سمجھایا لیکن وہ بضد تھے کہ ’میں جا رہا ہوں‘ جس پر میں نے کہا فضول باتیں نہیں کریں، آئیں ملتے ہیں بیٹھ کر مسئلے کا کوئی حل نکالتے ہیں، لیکن وہ بار بار یہی بات دہرا رہے تھے۔ فیصل قریشی نے بتایہ کہ وہ بڑی یقین دہانی کے ساتھ بول رہے تھے کہ "میں نہیں روک سکوں گا” اور پھر اس کے بعد ان کے انتقال کی خبر آگئی۔ یاد رہے کہ معروف میزبان عامر لیاقت حسین گزشتہ سال جون میں انتقال کر گئے تھے۔
تازہ ترین
ویڈیو
تازہ خبریں
