عمران خان نے اسلام آباد ہائی کورٹ سے 7 الزامات میں عبوری ضمانت حاصل کر لی۔

پاکستان تحریک انصاف کے سربراہ عمران خان کی 7 مقدمات میں عبوری ضمانت منظور۔
عمران خان کی درخواست ضمانت پر اسلام آباد ہائی کورٹ کے چیف جج جسٹس عامر فاروق اور جسٹس گل حسن اورنگزیب نے سماعت کی ۔
عمران خان کے وکیل نے سماعت کے موقع پر کہا کہ اگرچہ ان کے موکل نے لاہور ہائی کورٹ سے ضمانت حاصل کر لی تھی، لیکن انہیں جوڈیشل کمپلیکس جانے سے انکار کر دیا گیا اس دن ان کے خلاف مزید ایف آئی آر درج کی گئیں۔
چیف جسٹس نے کہا کہ آپ پہلے اس بات پر مطمئن کریں کہ ایک فورم کو بائی پاس کرکے یہاں کیوں آئے؟ آپ نے آخرکار جانا ادھر ہی ہے تو پھر پہلے ٹرائل پر کورٹ کیوں نہیں گئے؟
عمران خان کے وکیل نے کہا کہ میں اس حوالے سے سپریم کورٹ کے فیصلے پیش کروں گا۔ چیف جسٹس عامر فاروق نے جواب دیا کہ آپ ایک سادہ سی بات بتائیں کہ جمپ کر کے براہ راست ہائیکورٹ کیوں آئے؟

وکیل عمران خان نے کہا کہ عمران خان کو سکیورٹی خدشات ہیں، یہاں ماحول بہت بہتر ہے، جس پر چیف جسٹس نے ریمارکس دیے کہ اگر ہزاروں لوگ آجائیں گے تو پھر امن و امان کی صورتحال تو پیدا ہو گی، آپ نے ہی اس صورتحال کو بہتر بنانا ہے۔

عمران خان کے وکیل نے کہا کہ لوگ خود آجاتے ہیں ہم کسی کو کال نہیں دیتے، جواب میں اسلام آباد ہائی کورٹ کے چیف جج نے کہا کہ ہم نے اس حقیقت کو مدنظر رکھا ہے کہ درخواست گزار ایک بڑی سیاسی جماعت کے سربراہ ہیں اور ان کے بہت سے سپورٹر ہیں۔