پنجاب میں الیکشن کرانے سے انکار ، حکومت الیکشن کمیشن کے ساتھ ۔

اسلام آباد: الیکشن کمیشن نے پنجاب میں 30 اپریل کو انتخابات سے انکار کیا تو حکومت نے اس فیصلے کی حمایت کی۔ 

وفاقی وزیر قانون نذیر تارڑ نے نجی ٹیلی ویژن نیٹ ورک جیونیوز پر ایک پروگرام کے دوران ریمارکس دیئے کہ اگر ملک میں سیاسی استحکام کی ضرورت ہے تو انتخابات ایک ساتھ ہونے چاہئیں۔ ورنہ قوم بدستور بحران کا شکار رہے گی۔
انہوں نے کہا یہ شرط تو نہیں ہے کہ خون کی ہولی کھیل کر ہی انتخابات میں جانا ہے، الیکشن کمیشن نے تمام اسٹیک ہولڈرز سے مشاورت کے بعد پانچ صفر سے پنجاب میں الیکشن آگے بڑھانے کا فیصلہ کیا، یہ فیصلہ حکومت کا نہیں ہے۔

"وزیر قانون کا کہنا تھا کہ اتحادی حکومت نے کبھی بھی انتخابات سے گریز نہیں کیا، اگر ملک میں سیاسی استحکام لانا ہے تو انتخابات ایک ساتھ کرنے ہوں گے۔”