اگرعمران خان کو یقین ہے کہ ان کے قتل کی سازش ہو رہی ہے تو ثبوت پیش کریں، پنجاب حکومت

پنجاب کے نگران وزیر اطلاعات عامر میر نے کہا کہ ہمارے پاس عمران خان کے گھر پر چھاپے کے حوالے سے کوئی اطلاع نہیں ۔

نجی ٹی وی چینل جیو نیوز کے ایک پروگرام میں گفتگو کرتے ہوئے عامر میر نے کہا کہ عمران خان ان الزامات کی آڑ میں عدالتوں سے استثنیٰ چاہتے ہیں، زمان پارک کا نوگو ایریا اسٹیٹس بحال کرنا چاہتے ہیں، اگر انہیں آئی جی پر اعتماد نہیں تو پھر وہ پولیس کی سکیورٹی لے کر کیوں بیٹھے ہوئے ہیں۔
انہوں نے کہا کہ یہ ایک بنائی گئی داستان ہے اور ہمیں عمران خان کے گھر پر چھاپے کی کوئی اطلاع نہیں ۔ عمران خان اپنے قتل کی سازش کے الزام پر قائم رہتے ہیں تو اس کا ثبوت فراہم کریں ورنہ ان کے خلاف قانونی کارروائی لازمی ہے۔