ایوانِ صدر میں یوم پاکستان کی پریڈ خراب موسم کے باعث ملتوی کر دی گئی۔

"ایوانِ صدر کی جانب سے اس حوالے سے جاری کردہ ایک بیان کے مطابق ملتوی ہونے والی یوم پاکستان پریڈ اب 25 مارچ کو ہوگی۔ "

واضح رہے کہ اس بار پاک فوج کی پریڈ کی میزبانی شکر پڑیاں کی بجائے ایوان صدر میں کرنے کا فیصلہ کیا گیا تھا۔
کفایت شعاری کی حکمت عملی نے روایتی پریڈ کو چھوٹے پیمانے پر منعقد کرنے کا انتخاب کیا۔واضح رہے کہ آج یوم پاکستان کے حوالے سے چاروں صوبائی دارالحکومتوں کراچی، لاہور، پشاور اور کوئٹہ میں 21 توپوں کی سلامی دی گئی، اسلام آباد میں دن کا آغاز 31 توپوں کی سلامی سے ہوا۔